रंगेलीमा आगलागी, करिब ३८ लाखको क्षति

विराटनगर । मोरङको रंगेलीमा आगलागी भएको छ । रंगेली नगरपालिका ५ आँपगाछीमा भएको आगलागीबाट एक घर जलेर नष्ट भएको प्रहरीले जनाएको छ ।

स्थानीय दिगम्बर मण्डलको घरमा विद्युत सर्ट भएर आगलागी भएको प्रहरीले जनाएको हो । आगलागीबाट घर पूर्ण रूपमा जलेर नष्ट भएको प्रहरीको भनाई छ । घरभित्र रहेका पाँच लाख रूपैयाँ , १६ तोला सुन, ५० तोला चाँदी, अन्नपात, लत्ता कपडा, भाडावर्तन गरि करिब ३८ लाख ६० हजार बराबरको क्षति भएको ईलाका प्रहरी कार्यालय रंगेलीका प्रहरी निरीक्षक अनमोल खड्काले बताए ।

दिउँसो भएको आगलागी नेपाल प्रहरी सहित रंगेली, कानेपोखरीको बारुणयन्त्र तथा ससस्त्र प्रहरी र स्थानियको सहयोगमा नियन्त्रणमा आएको खड्काले बताए ।