मोटरसाइकलाई बसले ठक्कर दिँदा एकको मृत्यु
सुर्खेत । कर्णाली राजमार्गअन्तर्गत दैलेखको गुरासँ गाउँपालिका–२ केराबारी नजिक बसले मोटरसाइकलाई ठक्कर दिएको छ । शुक्रबार बिहान साढे ११ बजेको समयमा बसले मोटरसाइकलाई दिएको ठक्करबाट घाइते मोटरसाइक चालकको उपचारको क्रममा मृत्यु भएको छ ।
दैलेखको कुसापानीबाट सुर्खेतका लागि छुटेको ना ४ च ख ६५५४ नम्बरको बस र सोही दिशातर्फ आइरहेको कर्णाली प्रदेश ०२००१ प ७४५९ नम्बरको मोटरसाइकले बसलाई ओभर ट्याक गर्दा बसले ठक्कर दिँदा दुर्घटना भएको दैलेख प्रहरीले जनाएको छ ।
जिल्ला प्रहरी कार्यालय दैलेखले उक्त दुर्घटनामा मोटरसाइक सवार वीरेन्द्रनगर नगरपालिका–१२ का २६ वर्षीय खगेन्द्र विक घाइते भएका र उनको उपचारको लागि वीरेन्द्रनगर सुर्खेत पुर्याएर माया मेडिकलमा चेकजाँच गर्दा मेडिकलले मृत घोषणा गरेको जनाएको छ ।
हाल बस र बसचालकलाई बड्डिचौर प्रहरीले नियन्त्रणमा राखेको प्रहरीको भनाइ रहेको छ ।
