घाँस काट्ने क्रममा भिरबाट लडेर मृत्यु

सुर्खेत । दैलेखमा घाँस काट्ने क्रममा भिरबाट लडेर एकजनाको मृत्यु भएको छ । बिहीबार घाँस काट्ने क्रममा गुराँस गाउँपालिका-५ भित्री खोलाका ४५ वर्षिया श्यामबहादुर खत्रीको भिरबाट लडेर मृत्यु भएको दैलेख प्रहरीले जानकारी दिएको छ ।

गुराँस गाउँपालिका-५ धैरानी डाँडामा घाँस काट्ने क्रममा बिहीबार बिहान भिरबाट करिब १५० मिटर तल खसेर खत्रीको घटनास्थलमै मृत्यु भएको हो । लासको पोस्टमार्टमको लागि जिल्ला अस्पताल दैलेख पठाइएको प्रहरीको भनाई छ ।