कर्णालीका उद्योगमन्त्री लामा चढेको गाडी दुर्घटना

सुर्खेत । कर्णालीका उद्योग, पर्यटन, वन तथा वातावरण मन्त्री कार्चेन लामा सवार गाडी दुर्घटना भएको छ।

सुर्खेत–दैलेख खडक खण्ड अन्तर्गत वीरेन्द्रनगर नगरपालिका–७ कपासेमा गाडी दुर्घटनामा परेको हो ।

विपरित दिशाबाट आएको भे१च २४७४ नम्वरको बोलेरो जीपले मन्त्री सवार कर्णाली प्रदेश ००१ झ ००७६ नम्वरको जीपलाई ठक्कर दिँदा दुर्घटना भएको सुर्खेत प्रहरीले जानकारी दिएको छ ।

दुर्घटनामा गाडीमा सामान्य क्षति भएपनि मानवीय क्षति भएको छैन् ।

दुर्घटनामा दुवै गाडीमा क्षति पुगेको प्रहरीको भनाइ छ ।