बार्सिलोना शीर्षस्थानको रियल म्याड्रिडभन्दा १५ अंकले पछि

काठमाडाैँ । स्पेनिस ला लिगाअन्तर्गत बिहीबार राति भएको खेलमा बार्सिलोनाले रियल सोसाइडेडमाथि १-० गोल अन्तरको महत्त्वपूर्ण जित हात पारेको छ ।

बिहीबारको खेलमा बार्सिलोनालाई महत्त्वपूर्ण ३ अंक दिलाउने क्रममा पिएरे एमरिक औबामेयाङले खेलको ११ औँ मिनेटमा निर्णायक गोल गरे ।

योसँगै बार्सिलोना लिगको दोस्रो स्थानमा उक्लिएको छ । ३२ खेलबाट उसले ६३ अंक जोडेको छ । बार्सिलोना अझै पनि शीर्ष स्थानमा रहेको रियल मड्रिडभन्दा १५ अंकले पछाडि छ । रियलले ३३ खेलबाट ७८ अंक हात पारेको छ ।