त्रिभुवन विमानस्थलबाट बेवारिसे अवस्थामा १० हजार ८ सय डलर बरामद

काठमाडौँ । काठमाडौँ । बुद्ध एयरको जहाजभित्र बेबारिसे अवस्थामा एउटा कालो ब्यागभित्र १० हजार ८ सय अमेरिकी डलर भेटिएको छ । उडान संख्या ९५८ अन्तर्ग १० वैशाखमा भद्रपुरबाट काठमाडौँ अवतरण गरेको उक्त जहाजभित्र सरसफाइका क्रममा उक्त रकमसहितको ब्याग वेबारिसे अवस्थामा भेटिएको हो ।

बबेवारिसे व्यागभित्र रकम भेटिएपछि बुद्ध एयरले प्रहरीको जिम्मा लगाएको जनाएको छ । त्रिभुवन अन्तर्राष्ट्रिय विमान स्थल सुरक्षा कार्यालयले समेत उक्त रकम भेटिएको जानकारी दिएको छ ।

उक्त जहाजमा भेटिएको ह्यान्डब्यागभित्र १ सय ८ थान सय दरका अमेरिकी डलर फेला परेको थियो ।

प्रहरीले उक्त रकम राजस्व अनुसन्धान विभाग हरिहर भवन पुल्चोकमा बुझाएको जनाएको छ । उक्त रकम कुनै विदेशीको हुन सक्ने भन्दै प्रमाणसहित दाबी गर्न आए उक्त रकम जिम्मा लगाउन सकिने प्रहरीले जनाएको छ ।