मतदातामाथि आक्रमण गरेकाे आरोपमा ४ जना पक्राउ

काठमाडाैँ । मतदातामाथि आक्रमण गरेकाे आराेपमा बैतडीमा ४ जना पक्राउ परेका छन् ।

जिल्लाकाे सुर्नया गाउँपालिका–२ वासुदेव मावि लिस्किटा मतदान केन्द्रमा सोही ठाउँका मोहनराम विकमाथि कुटपिट गर्ने ४ जना पक्राउ परेका हुन् ।

पक्राउ पर्नेमा सोही ठाउँका विक्रम विष्ट, हरजित विष्ट, दिनेश विष्ट र संग्राम विष्ट रहेको जिल्ला बैतडी प्रहरी प्रवक्ता प्रहरी निरीक्षक लोकराज जोशीले जानकारी दिए।