बाजुरामा मतगणना गर्न खोज्दा झडप, १२ राउण्ड हवाई फायर

धनगढी । बाजुराको हिमाली गाउँपालिकामा मतगणना सुरु गर्ने तयारी भइरहँदा एमाले र कांग्रेस कार्यकर्ताबीच झडप भएको छ । मत पेटिकाको सिल सम्बन्धमा विवाद उत्पन्न भएपछि दुई पक्षबीच झडप भएको हो ।

दुवै पक्षबीच ढुंगामुढा भएर स्थिति तनावपूर्ण भएपछि त्यसलाई नियन्त्रणमा लिन प्रहरीले १२ राउण्ड हवाई फायर गरेको जिल्ला प्रहरी कार्यालय बाजुराका प्रमुख चतुर्भुज ओझाले बताए । उनका अनुसार सशस्त्र प्रहरी परिचालन गरेर स्थिति नियन्त्रणमा लिने प्रयास सफल भइरहेको छ ।