ईन्द्रावती गाउँपालिकाको अध्यक्ष र उपाध्यक्षमा एमालेका विजयी

सिन्धुपाल्चोक । सिन्धुपाल्चोकको ईन्द्रावती गाउँपालिकाको अध्यक्षमा नेकपा एमाले विजयी भएको छ ।

एमालेका झम्कनाथ नेपालले ७१२७ मत प्राप्त गरेका छन्, भने उनका निकटतम प्रतिद्वन्द्वी कांग्रेसका उम्मेदवार विकास लामाले ६१५२ मत प्राप्त गरेका छन् ।

त्यस्तै, उपाध्यक्षमा पनि एमालेकै शोभना तामाङ निर्वाचित भइन् । उनले ६५१३ मत प्राप्त गरिन्, भने उनका निकटतम प्रतिद्वन्द्वी कांग्रेसकी दयाकुमारी मिश्र ६४६३ मत प्राप्त गर्दै दोस्रो भइन् ।

१२ वडा रहेको पालिकामा १, ३, ५, ६ र ९ गरी पाँच वडा अध्यक्ष एमालेले जितेको छ, भने कांग्रेसले २, ४, ८, १० र ११ गरी पाँचै वडा अध्यक्षमा जित हात पार्दा माओवादी केन्द्र ७ र १२ मा वडा अध्यक्षमा विजयी भएको छ ।