गरिमा विकास बैंकद्वारा विश्व वातावरण दिवसमा वृक्षारोपण

काठमाडौँ । गरिमा विकास बैंकले विश्व वातावरण दिवसका अवसरमा आइतबार वृहत् वृक्षारोपण कार्यक्रम सम्पन्न गरेको छ ।

‘हरियो वन, नेपालको धन’भन्ने मुल नारालाई आत्मसाथ गर्दै बढ्दो जलवायु परिवर्तनको न्यूनीकरण गर्न अपरिहार्य रुख तथा बोटविरुवा जर्गेना तथा प्रवद्र्धन गर्ने उद्देश्यले बैंकले आफ्नो संस्थागत सामाजिक उत्तरदायित्व अन्तर्गत कालिका पार्क, बुढानिलकण्ठमा बृहत बृक्षारोपण कार्यक्रम सम्पन्न गरेको हो ।

विश्व वातावरण दिवस २०२२ को दिन सम्पन्न उक्त कार्यक्रममा बुढानिलकण्ठ वडा नम्बर २ का वडा अध्यक्ष राजेन्द्र श्रेष्ठ ज्यू एवं यस विकास बैंकका प्रमुख कार्यकारी अधिकृत गोविन्दप्रसाद ढकाल ज्यूले संयुुक्त रुपमा रुख रोपी कार्यक्रमको उद्घाटन गरेका थिए । यस कार्यक्रम अन्तर्गत उक्त पार्कमा करिव २०० विभिन्न प्रजातिका विरुवा रोपिएको छ ।

हाल, गरिमा विकास बैंकले नेपालभर १२० शाखा कार्यालयहरु, १ एक्स्टेन्सन काउण्टर तथा ५१ एटिएमबाट सरल, सुरक्षित एवं गुणस्तरीय सेवा दिँदै आइरहेको छ ।