‘साताका सात’ तस्बिर
जंगली दुनियाँको ‘आर्किटेक्ट’
गुड बनाउन व्यस्त तोप चरा । निकै सुन्दर गुड बनाउने तोप चरालाई जंगली दुनियाँको आर्किटेक्ट समेत भनिन्छ ।
सम्पदा संरक्षण
नेवार समुदायको सांस्कृतिक पर्व ‘सिथी नख:’मा ढुंगेधारा सफाइ गर्दै स्थानीय । यो पर्वको दिन पानीका स्रोत तथा मुहानहरू सफा गर्ने सांस्कृतिक चलन रहीआएको छ ।
मण्डलामा लिम्बु विवाह प्रचलनको झल्को
लिम्बु समुदायमा प्रचलित भागी विवाहको परम्परालाई आधार मानेर बनाइएको नाटक ‘चोरको स्वर’मा अभिनय गर्दै कलाकारहरू । नाटक थापागाँउमा अवस्थिति मण्डला नाटक घरमा मञ्चन भइरहेको छ ।
प्रतिरोध
सरकारले सवारीसाधनमा अनिवार्य भनी लागु गर्न खोजेको इम्बोस्ड नम्बर प्लेटको विरोधमा उत्रिएको एमाले समर्थित राष्ट्रिय युवा संघ ।
बिरामी वैद्यखाना
कुनैबेला राम्रोसँग आयुर्वेदिक औषधीको उत्पादन गरिरहेको सिंहदरबार वैद्यखाना अहिले आफै बिरामी छ । मुस्किलले चलिरहेको वैद्यखाना कुनैपनि बेला बन्द हुने अवस्थामा छ ।
शान्तिको ध्वजा
विश्व सम्पदा बौद्धनाथ क्षेत्रमा रहेको ध्वजा । बौद्वमार्गीहरुले यसमा मन्त्र लेखिएको विश्वास गर्ने गर्दछन् ।
वातावरण जोगाउन साइकल
‘वातावरण जोगाउन साइकल’ भन्ने नारा सहित विश्व वातावरण दिवसको दिन सांग्रिला विकास बैंकले आयोजना गरेको साइकल र्याली । र्यालीमा करिब ३०० जनाको सहभागिता रहेको थियो ।
