बुढीगंगा अपडेट : एमाले २०५ मतले अगाडि, कसको कति ?

काठमाडाैँ । बाजुराको बुढीगंगा नगरपालिकामा जारी मतगणनामा एमालेले अग्रता बढाउँदै लगेको छ । पछिल्लो विवरणअनुसार एमाले २०५ मतले अगाडि छ ।

मेयरमा एमालेका रामबहादुर बानियाँले १०२० मत ल्याउँदा  उनलाई पछ्याइरहेका कांग्रेसका रंगबहादुर खातीले ८१५ मत ल्याएका छन् । उपप्रमुखमा एमाले उम्मेदवारले ९८७ मत पाउँदा कांग्रेस उम्मेदवारले ८४३ मत पाएकी छन् । यहाँ १४४ को मतान्तर छ ।

मेयर पदका लागि नेपाली कांग्रेसबाट रङ्गबहादुर खाती र एमालेबाट रामबहादुर बानियाँ उम्मेदवार छन् भने उपमेयरमा कांग्रेसबाट रिता शाही शाह र एमालेबाट मायाकुमारी खड्का कुँवर उम्मेदवार छन् । १० वडा रहेको बुढीगंगामा एमालेले वडा नम्बर १ र १० जितेको छ ।