प्रदेश १ को नामकरणमा साह्रै तानातान भयो, हानाहान हुनुअघि ‘साझा प्रदेश’ नाम राखौँ : मेयर साम्पाङ

काठमाडाैँ । धरान उपमहानगरपालिकाका मेयर हर्क साम्पाङ राईले प्रदेश १ काे नाम साझा प्रदेश राख्न सुझाव दिएका छन् ।

उनले सामाजिक सञ्जालमार्फत् धारणा राख्दै नामकरणमा साह्रै तानातान भएकाले प्रदेश १ काे नाम साझा प्रदेश राख्न सुझाव दिएका हुन् ।

तानातान हानाहानमा परिणत हुनुअघि नै याे काम गर्न पनि उनकाे सुझाव छ ।

उनले भनेका छन्, ‘प्रदेश नं. १ को नाम “साझा प्रदेश” राख्नु ! साह्रै तानातान भयो ! हानाहान हुनु अघि यो गर्नु !’