लागुऔषध सहित चार जना पक्राउ

विराटनगर । मोरङमा लागु औषध सहित चार जनालाई प्रहरीले पक्राउ गरेको छ। उर्लाबारी नगरपालिका–२ बाट लागुऔषध सहित चार जनालाई प्रहरीले पक्राउ गरेको हो ।

विशेष सूचनाको आधारमा इलाका प्रहरी कार्यालय उर्लाबारी र अस्थायी प्रहरी चौकी मंगलबारेबाट खटिएको प्रहरी टोलीले उर्लाबारी नगरपालिका–२ का २० वर्षीय नवीन पुरीको घरबाट लागु औषध बरामद गरेको प्रहरीले जनाएको छ।

पक्राउ पर्नेमा पुरी सहित उर्लाबारी ३ का रकि धिमाल, उर्लाबारी–२ का उज्ज्वल थापा र २८ वर्षीय सुमित राई रहेको प्रहरले जनाएको छ। उनीहरूको साथबाट ट्रामाडोल ६ सय ४४ क्याप्सुल र स्पास्पेन ७ सय २० ट्याब्लेटसहित पक्राउ गरेको प्रहरीको दाबी छ ।