टिकटक बनाउने क्रममा चिप्लिएर सल्यानको कुपिण्डे तालमा एक जना बेपत्ता
मकालु खबर २०७९ साउन १० गते
सुर्खेत । टिकटक बनाउने क्रममा चिप्लिएर सल्यानको कुपिण्डे तालमा एक जना बेपत्ता भएका छन् ।
जिल्ला प्रहरी कार्यालय सल्यानकाअनुसार मंगलबार दिउँसो १२ बजेको समयमा एक जना बेपत्ता भएका हुन् ।
सल्यानका प्रहरी प्रमुख सुमित खड्काले बेपत्ता हुनेमा दाङको तुलसीपुर उपमहानगरपालिका –६ का अन्दाजी ३७ वर्षीय वेदबहादुर बस्नेत रहेको जानकारी दिए ।
प्रहरीका अनुसार बेपत्ता भएका बस्नेतको पहिलेको घर कपुरकोट गाउँपालिकाको सिनवाङ हो ।
उनी साथीहरूसँग तालको छेउैमा टिकटक बनाइरहेको अवस्थामा चिप्लिएर तालमा खसेकाको र खोजी कार्य जारी रहेको प्रहरीको भनाई रहेको छ ।
मकालु खबर २०७९ साउन १० गते
प्रतिक्रिया
सम्बन्धित
