दुर्घटनामा दुई जनाको मृत्यु

विराटनगर । झापा र सुनसरीका दुई छुट्टाछुट्टै स्थानमा भएको सवारी दुर्घटनामा दुई जनाको मृत्यु भएको छ । पूर्व पश्चिम राजमार्ग अन्तर्गगत झापाको कमल गाउँपालिका ५ पश्चिमबाट पूर्व तर्फ जाँदै गरेको वाग्मती प्रदेश–०३–००१ क २१२ नम्बरको टिपरले साइकल यात्रीलाई ठक्कर दिएको हो ।

टिपरको ठक्करबाट तुम्बेवा गाउँपालिका–५ पाँचथरका १६ वर्षीय संजिप ईम्सम लिम्बुलाई ठक्कर दिँदा लिम्बुको घटनास्थलमै मृत्यु भएको प्रहरीले जनाएको छ।

घटनाका सम्बन्धमा थप अनुसन्धान भइरहेको इलाका प्रहरी कार्यालय दमकले जनाएको छ ।
सुनसरीको भोक्राहा नर्सिङ गाउँपालिका–४ मा भारतीय नम्बर प्लेटको स्कारपियोले मोटरसाइकललाई ठक्कर दिँदा मोटरसाइकल चालकको मृत्यु भएको छ ।

इनरुवाबाट लौकही तर्फ जाँदै गरेको भारतीय स्कारपियोले विपरित दिशाबाट आउँदै ना।६३ प।४०७५ नम्बरको मोटरसाइकललाई टक्कर दिएको हो । मोटरसाइकल चालक बर्दिबास नगरपालिका–६ धनुषाका ३० वर्षीय बालकृष्ण राना मगरको उपचारको क्रममा न्युरो अस्पताल विराटनगरमा मृत्यु भएको प्रहरीले जनाएको छ।

घटना सम्बन्धमा थप अनुसन्धान भइरहेको जिल्ला प्रहरी कार्यालय सुनसरीले जनाएको छ ।