मोरङमा १७ वर्षीय किशाेरी बलात्कृत, १ जना पक्राउ
मकालु खबर २०७९ साउन १७ गते
मोरङ । मोरङमा १७ वर्षीय किशोरीलाई बलात्कार गरेको आरोपमा १ जना पक्राउ परेका छन् ।
पक्राउ पर्नेमा जहदा गाउँपालिका वडा नं. ३ हातिबन्दा बस्ने २३ वर्षीय सुमन राजवंशी रहेको प्रहरीले जनाएको छ । उनी मंगलबार बिहान पक्राउ परेका हुन् ।
राजवंशीले ती किशोरीलाई जबरजस्ती करणी गरेको भन्ने खबर प्राप्त हुनासाथ प्रहरी चौकी मझारेबाट खटिएको प्रहरीले उनलाई पक्राउ गरेको हो ।
प्रहरीले घटनाबारे आवश्यक अनुसन्धान गरिरहेको जिल्ला प्रहरी कार्यालय मोरङले जनाएको छ ।
मकालु खबर २०७९ साउन १७ गते
प्रतिक्रिया
सम्बन्धित
