छोराको कुटपिटबाट बुबाको मृत्यु

विराटनगर । तेह्रथुमको छथर गाउँपालिका–५ ठकुरी टोलका ५३ वर्षीय भक्त बहादुर भण्डारीको छोराको कुटपिटबाट मृत्यु भएको छ ।

आज बिहान भण्डारीका २४ वर्षीय छोरा टंक भण्डारीले धान कुट्ने मुस्लीले बुबालाई टाउकोमा प्रहार गरी घाइते बनाएको प्रहरीले जनाएको छ ।

प्रहरी चौकी शुक्रवारेबाट गएको प्रहरी टोलीले घाइतेलाई उपचारको लागी छथर अस्पताल पठाएकोमा उपचारको क्रममा मृत्यु भएको प्रदेश प्रहरी कार्यालय विराटनगरले जनाएको छ ।

घटनामा संलग्न छोरा टंक भण्डारी फरार रहेको र निजको खोजतलास भइरहेको प्रहरीले जनाएको छ ।