धनगढीबाट डेढ किलो चरेससहित सशस्त्र जवान पक्राउ

धनगढी । कैलालीको धनगढीमा डेढ किलो चरेससहित सशस्त्र जवान पक्राउ परेका छन् । बझाङको दुर्गाथली गाउँपालिका वडा नम्बर ४ घर भई कैलालीको बनबेहडामा कार्यरत सशस्त्र जवान गणेशप्रसाद जोशीलाई पक्राउ गरिएको हो ।

सुदूरपश्चिम प्रहरी अनुसन्धान समूह (आरआइटी) र जिल्ला प्रहरी कार्यालय कैलालीको संयुक्त टोलीले जोशीलाई धनगढी चौराहाबाट पक्राउ गरेको कैलालीका प्रहरी प्रवक्ता प्रहरी नायब उपरीक्षक (डिएसपी) वेदप्रकाश जोशीले जानकारी दिए ।

गोप्य सूचनाको आधारमा उनलाई पक्राउ गरिएको डिएसपी जोशीले बताए । उनले पक्राउ परेका जोशीलाई नियन्त्रणमा लिई थप अनुसन्धान भइरहेको जानकारी दिए ।