अग्नी ग्रुपको २ एस सर्भिस सेन्टर अब प्रश्याङ्ग पोखरामा पनि

काठमाडौँ । नेपालका लागि महिन्द्रा फोर व्हीलरको एक मात्र आधिकारिक बिक्रेता अग्नी ग्रुपले आफ्ना सेवाग्राहीको सुविधाका निम्ति नयाँ २ एस सर्भिस सेन्टर ‘पोखरा अटो वर्कश​’ प्रश्याङ्ग पोखरामा सञ्चालनमा ल्याएको छ । पोखरा अटो वर्कश अग्नी ग्रुपको ३ एस डिलर बतास ब्रदर्शको सहायक कम्पनी पनि रहेको छ ।

पोखरा अटो वर्कशको उद्घाटन सोमबार का दिन अग्नी ग्रुपका प्रबन्ध निर्देशक क्याबिनेट श्रेष्ठ, अग्नी ग्रुपका कार्यकारी निर्देशक अर्जुनप्रसाद शर्मा, बतास संस्थाका अध्यक्ष आनन्दराज बतास, बालाजु अटो वर्कसका स्पेयर पार्ट्स हेड युगल सिंह र अग्नी ग्रुप गण्डकी प्रदेश प्रबन्धक सन्तोष सुवेदी, बतास संस्थाका प्रतिनिधिका साथसाथै अन्य अतिथिको उपस्थितिमा सामूहिक रुपमा गरिएको थियो ।

अग्नी ग्रुपले हाल नेपाल अधिराज्यभरि रहेका आफ्ना नेटवर्कबाट सेवाग्राहीलाई गुणस्तरीय सेवा दिइरहेको छ । त्यस्तै, उत्कृष्ट तथा सहज सेवाको पहुँच बढाउने उद्देश्यका साथ थप नेटवर्क विस्तार कार्यका लागि यसरी नै आफ्ना डिलर र सबडिलरहरुको धेरैभन्दा धेरै उद्घाटन सम्पन्न गर्ने लक्ष्य पनि लिएको छ ।