हारबाट जोगियो लिभरपुल

काठमाडौँ । इंग्लिस प्रिमियर लिग अन्तर्गत सोमबार राती भएको खेलमा उपाधि दावेदार लिभरपुल घरेलु मैदानमा क्रिस्टल प्यालेससँग बराबरीमा रोकिएको छ । दोस्रो हाफमा १० खेलाडीमा सीमित लिभरपुल १-१ को बराबरी खेल्दै लगातार दोस्रो खेलमा हारबाट जोगियो ।

पाहुना टोली प्यालेसले खेलमा सुरुवाती अग्रता लिएको थियो । ३२ अ‍ौं मिनेटमा विलफ्रिड जाहाले गोल गर्दै प्यालेसलाई अघि बढाए । दोस्रो हाफको ५७ अ‍ौं मिनेटमा लिभरपुल १० खेलाडीमा समेटियो । फरवार्ड डार्विन न्युनेजले सिधै रातो कार्ड पाए ।

न्युनेज बाहिरिएको ४ मिनेटपछि लिभरपुलले बराबरी गोल गर्‍यो । लुइस डियाजले एकल प्रयासमा उत्कृष्ट गोल गर्दै टोलीलाई खेलमा फर्काए । पहिलो खेलमा टोली फुल्हमसँग २-२ को बराबरीमा रोकिएको थियो ।

लिभरपुल २ खेलमा २ अंकसहित तालिकाको १२औँ दोस्रो स्थानमा छ । प्यालेस अंकको खाता खोल्दै १६ अ‍ौं स्थानमा अवस्थित छ ।