वीरेन्द्रनगरमा चक्कु प्रहारबाट एकजना घाइते
मकालु खबर २०७९ भदौ ७ गते
सुर्खेत । जिल्लाको वीरेन्द्रनगर नगरपालिका–९ मा चक्कु प्रहार भएको छ । मंगलबार दिउँसो तीन बजेर ४५ मिनेटको समयमा चक्कु प्रहार भएको हो ।
वीरेन्द्रनगर–९ लाटीकोइलीका ३८ वर्षीय उपेन्द्र शाहीले सोही ठाउँ बस्ने ३४ वर्षीय ललित गुरुङलाई चक्कु प्रहार गरेका हुन् ।
स्रोतका अनुसार उनीहरूबिच सामान्य विवाद हुँदा उपेन्द्रले ललितको ढाँडमा चक्कु प्रहार गरी फरार रहेका छन् ।
घाइतेको अवस्था सामान्य रहेको र माया नर्सिङ होममा उपचार भइरहेको स्रोतको दाबी छ ।
यस्तै, उक्त घटनाको अनुसन्धानका लागि प्रहरी घटनास्थलतर्फ गएको जिल्ला प्रहरी कार्यालय सुर्खेतका प्रवक्ता तथा डिएसपी सुरज कार्कीले जानकारी दिए ।
मकालु खबर २०७९ भदौ ७ गते
प्रतिक्रिया
सम्बन्धित
