१४ वर्षीय बालिकालाई बलात्कार गरेकाे अभियोगमा ४७ वर्षीय व्यक्ति पक्राउ

झापा । १४ वर्षीया बालिकालाई बलात्कार गरेको अभियोगमा १ जना पक्राउ परेका छन् । पक्राउ पर्नेमा हल्दीबारी गाउँपालिका ३ बस्ने ४७ वर्षीय चित्र बहादुर गुरुङ रहेकाे प्रहरीले जनाएकाे छ । उनलाई सोमबार दिउँसो प्रहरीले पक्राउ गरेको छ ।

चित्र बहादुरले ती बालिकालाई आइतबार बेलुकी बलात्कार गरेका प्रहरीले जनाएकाे छ । बालिकाकाे बलात्कार भएकाे खबर प्राप्त हुनासाथ जिल्ला प्रहरी कार्यालय झापाबाट खटिएको प्रहरीले उनलाई पक्राउ गरेको हो ।

घटनाबारे प्रहरीले आवश्यक अनुसन्धान गरिरहेको जिल्ला प्रहरी कार्यालय झापाले जनाएकाे छ ।