दैलेखमा चट्याङ्ग लाग्दा पाँच जना घाइते

दैलेख । जिल्लाको दुल्लुमा चट्याङ्ग लागेर पाँच जना घाइते भएका छन् । दुल्लु नगरपालिका-४ पानदेउका सरुपा विकको खेत बारीमा खेत गोड्ने क्रममा चट्याङ्ग लागेर घाइते भएका हुन् ।

कर्णाली प्रदेश प्रहरी कार्यालयकाअनुसार घाइते हुनेमा ४० वर्षीया तारा विक, ४३ वर्षीया सिद्ध विक, ४२ वर्षीया सरुपा विक, ४६ वर्षीया ईश्वरा विक र ४२ वर्षीया लक्ष्मी विक रहेका छन् । उनीहरूको हाल दुल्लु अस्पतालमा उपचार भइरहेको प्रहरीको भनाई रहेको छ ।