सल्यानमा पहिरोमा परेर एक किशोरको मृत्यु

सुर्खेत । सल्यानमा पहिरोमा परेर एक जनाको मृत्यु भएको छ । जिल्लाको शारदा नगरपालिका वडा नम्बर ८ मार्केका १४ वर्षीय अजय विकको पहिरोमा परेर मृत्यु भएको हो ।

उनी शुक्रबार बेलुकीदेखि पहिरोमा परेर बेपत्ता भएका थिए । बेपत्ता अजयको सुरक्षाकर्मी, स्थानीयले खोजी गर्ने क्रममा शनिबार बिहान नेपाली सेनाको टोलीले शव फेला पारेको हो । शवलाई पोस्टमार्टमका लागि अहिले जिल्ला अस्पताल लगिएको प्रहरीले जानकारी दिएको छ ।