कालिकोट अपडेट : मलामी गएका १३ जना हराएको पुष्टि

कालिकोट । कालिकोटको तिलागुफा नगरपालिका राँचुली गाउँका -४ मा मलामी गएका १३ जना बेपत्ता भएको पुष्टि भएको जिल्ला प्रशासन कार्यालयले जनाएको छ ।

शनिबार ज्यान गुमाएका हेमराज शाहीको आइतबार तिला नदी किनारमा लास जलाउँदा जलाउँदै पहिरो झरेपछि मलामी गएकाहरुको भागाभाग भएको थियो ।

जसमध्ये १३ जना हराएको पुष्टि भएको प्रमुख जिल्ला अधिकारी रामहरि शर्माले मकालु खबरलाई बताए ।

उनले भने त्यो स्थानमा करिब १०० घरहरु छन्, बालबालिकाहरुसमेत गरी ५ सय जति पहिरोको जोखिममा परेका हुनाले नजिकको स्कुलमा आश्रय लिएर बसेको खबर प्राप्त भएको जनाए ।

मौसम सुधार भएपछि हेलिकोप्टरबाट उनीहरुलाई उद्धार गर्ने तयारी पनि गरिएको शर्माले जानकारी दिए ।

मलामी गएका १५ जना बेपत्ता