ताप्लेजुङमा ट्रयाक्टर दुर्घटना, ४ जनाको मृत्यु

ताप्लेजुङ । ताप्लेजुङमा भएको ट्रयाक्टर दुर्घटनामा चार जनाको मृत्यु भएको छ। ताप्लेजुङको मैवाखोला गाउँपालिका–४ मा भएको ट्रयाक्टर दुर्घटनामा परी ४ जनाको मृत्यु भएको हो ।

दुर्घटनामा प्रदेश २–०२–०३–००१ त ५६५५ नम्बरको ट्याक्टर तेलाबुङबाट मैवाखोला–५ काम्साङ फर्कने क्रममा सडकबाट करिब २५० मिटर तल खसेर दुर्घटना हुँदा भएको प्रहरीले जनाएको छ।

दुर्घटनामा चालक स्थानीय ३१ वर्षीय पासाङ शेर्पा, उनैका भाइ २४ वर्षीय फुर्वा शेर्पा, १७ बर्षीया लाकी शेर्पा र २२ बर्षीया शर्मिला शेर्पाको घटनास्थलमा नै मृत्यु भएको प्रदेश प्रहरी कार्यालय विराटनगरले जनाएको छ।