नेयमार चम्कँदा पिएसजीको जित

काठमाडौँ । फ्रेन्च लिग अन्तर्गत पिएसजीले लोरियन्टलाई पराजित गरेको छ । आइतबार सम्पन्न खेलमा पिएसजीले लोरियन्टलाई २-१ गोल अन्तरले पराजित गरेको हो ।

पिएसजीको जितमा नेइमारले एक गोल र एक असिस्ट गरेका थिए । त्यस्तै अर्को गोल डानिलो पेरेइराले गरेका थिए । त्यसैगरी लोरियन्टका लागि एक गोल टेरेन मोफीले गरेका थिए । यस खेलमा पिएसजीका लागि लियोनेल मेसी भने खेलेका थिएनन् ।

यो जितपछि पिएसजीको लिगमा १४ खेलमा ३८ अंक भएको छ र शीर्ष स्थानमा कायम रहेको छ । दोस्रो स्थानमा रहेको लेन्सको १४ खेलमा ३३ अंक रहेको छ । त्यसैगरी लोरियन्टको १४ खेलमा २७ अंक छ र लिगमा चौथो स्थानमा रहेको छ ।