ओलीको आरोप– बाकस साटेर गच्छदारले सधैँ चुनाव जित्ने ? (भिडिओ)

काठमाडाैँ । नेकपा एमालेका अध्यक्ष केपी शर्मा ओलीले विजय गच्छदारले अघिल्ला चुनावहरू बाकस साटेर जितेकाे आराेप लगाएका छन् । सुनसरीमा बुधबार चुनावी सभालाई सम्बाेधन गर्दै उनले यस्ताे आराेप लगाएका हुन् ।

‘राणा शासन फालेर आइयो, राजतन्त्र ढालेर आइयो,’ उनले भने, ‘सबै गरेर आइयो । विजय गच्छदारले बाकस साटेर सँधै चुनाव जित्ने । चल्छ यो ? नेकपा एमालेका अगाडी चल्छ यो । त्यसकारण एमालेले यस्ता कुरा सहिरहनु हुँदैन । हामी धाँधली गर्दैनौँ र धाँधली गर्न दिँदैनौँ । लडेर, जेलनेल सहेर, घाइते भएर कतिले बलिदानी गरेर ल्याएको लोकतन्त्रमा हामी कसैलाई धाँधली गर्न दिँदैनौँ ।’

कार्यकर्ता र सुरक्षा कर्मीसमेतलाई उनले धाँधली हुन नदिने वातावरण बनाउन आग्रह गरे । सुरक्षाकर्मीलाई उनले भने– ‘तपाइँ राष्ट्रको सेवक हो, कुनै दलको वा गठबन्धनको होइन । त्यसैले कानुनविपरीतको आदेश नमान्नुस् ।’

उनले एमाले उम्मेदवार भगवती चाैधरीलाई विजयी गराए त्यस क्षेत्रकाे विकासकाे जिम्मा आफूले लिने समेत आश्वासन दिए ।

सुनसरी क्षेत्र नम्बर ३ मा सत्ता गठबन्धनकाे तर्फबाट नेपाली कांग्रेसका उम्मेदवार विजय गच्छदार रहेका छन् । उक्त क्षेत्रमा नेकपा एमालेले भगवती चाैधरीलाई उम्मेदवार बनाएकाे छ ।

भिडिओ

बाकस साटेर गच्छदारले सधैँ चुनाव जितेका थिए तर यो पाली त्यस्तो हुन दिन्न : ओली pic.twitter.com/t956Kqv7bX

— Makalu Khabar (@makalukhabar) November 16, 2022