विश्वकपअघि अर्जेन्टिनाको सानदार जित

काठमाडौँ । विश्वकप अघिको अभ्यास खेलमा अर्जेन्टिनाले युएईलाई फराकिलो गोल अन्तरले पराजित गरेको छ । बुधबार राति युएईको मोहमद बिन जाएदस्टेडियममा सम्पन्न खेलमा अर्जेन्टिनाले युएईलाई ५-० गोल अन्तरले पराजित गरेको हो ।

अर्जेन्टिनाको जितमा एन्जल डी मारियाले दुई गोल गरेका थिए भने लियोनेल मेसी, जुलियन अल्भारेज र जोआक्विन कोरियाले एक एक गोल गरेका थिए ।

विश्वकपमा समुह सी मा रहेको अर्जेन्टिनाले आफ्नो पहिलो खेल नोभेम्बर २२ मा साउदी अरेबियाविरुद्ध खेल्दै छ । त्यस्तै दोस्रो खेल नोभेम्बर २७ मा मेक्सिको र तेस्रो खेल डिसेम्बर १ मा पोल्याण्डविरुद्ध खेल्दै छ ।