मतदान गर्न भारतबाट घर फर्किएका ‘ओली’ मृत भेटिए

काठमाडाैँ । डोटीमा एक पुरुष मृत अवस्थामा फेला परेका छन् । शनिबार जिल्लाको जोरायल गाउँपालिका-३ तोडेगडाका अन्दाजी ६० वर्षीय हिरालाल ओली मृत फेला परेका हुन् ।

जिल्ला प्रहरी कार्यालय डोटीका डिएसपी भोला भट्टकाअनुसार उनी जोरायल गाउँपालिका-३ चन्कट्टे नजिकैको बाटोमा मृत भेटिएका हुन् । भारतको सिमलामा काम गर्दै आएका उनी संसदीय निर्वाचनमा मतदान गर्न फर्किरहेका थिए तर,  घर पुग्नै पाएनन् ।

उनको साथमा झोलासहितको प्लास्टिकको बोरा र नजिकै मदिराको बोतल पनि भेटिएको छ । घटना राति ९ बजेपछि भएको र अत्यधिक मदिरा सेवनका कारण उनको मृत्यु भएको हुनसक्ने प्रहरीको अनुमान छ ।