लालबाबु भन्छन्– एमालेको नेतृत्वमा सरकार बन्छ

विराटनगर । नेकपा एमालेका नेता लालबाबु पण्डितले नेकपा एमालेले सबैभन्दा बढी सिट ल्याएर सरकार बनाउने बताएका छन् ।

विराटनगरको महेन्द्र मोरङ क्याम्पस (छ) मतदान केन्द्रमा मतदान गरेपछि पत्रकारसँग संक्षिप्त कुरा गर्दैै उनले धेरै सिट ल्याएर एमालेको नेतृत्वमा सरकार बन्ने दाबी गरे । आम निर्वाचनमा सरकार स्थायी बन्ने गरी जनताले मतदान गरेर पठाउने उनको भनाइ छ ।

‘अहिले सत्तामा मात्र बस्ने, छिनाझपटी गर्ने च्याखेँ थाप्ने, निजी स्वार्थमा मात्र राजनीतिलाई बुझ्नेहरुलाई निर्वाचनले झापड हान्छ, उनले भने स्थायी रुपमाको एउटा सरकार बन्छ, नेकपा एमालेले सबैभन्दा बढी सिट ल्याएर सरकार बनाउछ ।’