मोरङ ५ मा स्वतन्त्र उम्मेदवार जोगीको अग्रता

विराटनगर । मोरङ क्षेत्र नम्बर ५ मा स्वतन्त्र उम्मेदवारले अग्रता लिएका छन् । पहिलो चरणमा २४४६ खसेको मतको आधारमा स्वतन्त्र उम्मेदवार योगेन्द्र मण्डल (जोगी)ले एक हजार ३ सय मत प्राप्त गरेका छन् ।
नेकपा माओवादीका शिवकुमार मण्डलले ३ सय र जनता समाजवादीका राजकुमार यादवले एक सय मत प्राप्त गरेका छन् । पहिलो चरणमा खोलिएको मत मध्ये २२४६ बाट नै अझै मत गणना जारी रहेको छ ।

क्षेत्र नम्बर ५ मा एउटा वडाको मत गणना गरेपछि मात्र प्रारम्भिक मत परिणाम सार्वजनिक गर्ने जनाईएकोछ ।