मोरङ ५ मा जोगीको अग्रता कायमै

विराटनगर । मोरङ क्षेत्र नम्बर ५ मा स्वतन्त्र उम्मेदवारले अग्रता कायम राखेका छन् । २०३६ मत गणना हुँदा स्वतन्त्र उम्मेदवार योगेन्द्र मण्डल (जोगी)ले मतान्तर बढाउँदै अग्रता कायम राखेका हुन् ।

उनले १५७२मत प्राप्त गरेका छन् । त्यस्तै गठबन्धनका उम्मेदवार नेपाल कम्युनिस्ट पार्टी (माओवादी केन्द्र)का शिवकुमार मण्डलले ५७४ मत प्राप्त गरे ।

त्यस्तै जनता समाजवादी पार्टीका उम्मेदवार राजकुमार यादवले २८९ मत प्राप्त गरेको निर्वाचन अधिकृतको कार्यालयले जनाएको छ ।

यस निर्वाचन क्षेत्रमा २७० मत बदर भएको छ । क्षेत्र नम्बर ५ (१)मा नेकपा एमालेले ८४८ मत ल्याउँदा नेपाली काँग्रेसले १२१९ मत प्राप्त गरेको छ ।

राप्रपाले २२५ मत प्राप्त गरेको निर्वाचन अधिकृतको कार्यालयले जनाएको छ। प्रदेश १ मा २९१७ मत गणना हुँदा २१० मत बदर भएको छ।