मोरङ २ मा एमालेका पोखरेलले सुजातालाई उछिने

विराटनगर । मोरङको क्षेत्र नम्बर २ मा नेकपा एमालेका ऋषिकेश पोखरेलले नेपाली कांग्रेसकी सुजाता कोइरालालाई १६५ मतले पछि पारेका छन् । पोखरेलले ४१७० मत प्राप्त गर्दा कोइरालाले ४००५ मत प्राप्त गरेकी छिन् ।

यस क्षेत्रमा स्वतन्त्र पार्टीका ठगेन्द्र न्यौपानेले ३६४ मत प्राप्त गरेका छन् । त्यस्तै प्रदेश २(१) मा नेकपा माओवादी केन्द्रका गणेशप्रसाद उप्रेतीले अग्रता लिएका छन् ।

यसअघि नेकपा एमालेका दानबहादुर कार्कीले अग्रता लिएका थिए । उप्रेतीले १९७६ मत ल्याउँदा कार्कीले १८६९ मत प्राप्त गरेका छन् ।