मोरङ ५(१) मा कांग्रेसका मण्डल निर्वाचित, घोषणा हुन बाँकी

विराटनगर । मोरङको क्षेत्र नम्बर ५ ९१० मा सत्ता गठबन्धनका उम्मेदवार नेपाली कांग्रेसका गयानन्द मण्डल निर्वाचित भएका छन्  ।  १४८४३ मत प्राप्त गर्दै मण्डल निर्वाचित भएका हुन्  ।

उनका निकटतम प्रतिद्वन्द्वी नेकपा एमालेका सन्तोष कुमार साहले ९४०५ मत मात्र प्राप्त गर्न सके । यो क्षेत्रमा खसेको मत मध्ये ३३२४४ मत सदर भएको छ भने २०५४ मत बदर भएको छ।

योसँगै मोरङमा मत परिणाम सार्वजनिक हुने क्रम सुरु भएको छ। आधिकारिक रूपमा निर्वाचन अधिकृतको कार्यालयबाट घोषणा हुन बाँकी रहेको छ।

प्रत्यक्षको मत समानुपातिकमा पनि परेको हुनसक्ने भएकोले त्यसलाई समेत गणना हुने हुँदा विवाद आउन नदिन घोषणा गर्न बाँकी रहेको निर्वाचन अधिकृतको कार्यालयले जनाएको छ।