मेक्सीकोका गोल रक्षकले पेनाल्टी रोक्दै पोल्याण्डसँग हारबाट जोगाए

काठमाडाैँ । मेक्सिकोका गोल रक्षकले उत्कृष्ठ बचाउ गर्दा मेक्सिको विश्वकप फुटबलमा हारबाट जोगिएको छ । खेलको ५६ औं मिनेटमा पोल्याण्डका कप्तान रोबर्टो लेवान्डोस्कीको प्रहार रोक्दै गोलरक्षक ग्वीलेर्मो चोवाले टोलीलाई हारबाट जोगाए ।

दोहास्थित स्टेडियम ९७४ मा पहिलो खेलमा जितको सुन्दर मौका पाए पनि पोल्याण्ड त्यसलाई सदुपयोग गर्न असफल भयो । पोल्याण्ड २०१८ विश्वकपमा समूहचरणबाटै घर फर्किएको थियो। मेक्सिको भने पछिल्लो आठ विश्वकपमा लगातार समूह चरण पार गर्दै आएको छ ।

यहि समूहमा अर्जेन्टिना र साउदी पनि छन् । आजै भएको समुहको पहिलो खेलमा साउदी अरेबियाले अर्जेन्टिनालाई २–१ ले हराउँदै ३ अंक जोडेको छ । बलियो मानिएको अर्जेन्टिना भने अंकबिहिन छ ।