प्रदेश १ का मुख्यमन्त्री राई र अर्थमन्त्री आङ्बो निर्वाचित

विराटनगर । प्रदेश १ का मुख्यमन्त्री राजेन्द्र कुमार राई निर्वाचित भएका छन् । नेकपा एकीकृत समाजवादीबाट उम्मेदवार बनेका राई भोजपुर प्रदेश क्षेत्र नम्बर १ मा राई निर्वाचित भएका हुन् ।

उनले १६११० मत ल्याउँदा उनका प्रतिस्पर्धी नेकपा एमालेका हरिबहादुर राईले १२२२३ मत मात्र प्राप्त गर्न सके । राजेन्द्रले हरिबहादुरलाई ३८८७ मतले पछि पारेर निर्वाचित भएका हुन् । भोजपुर प्रदेश क्षेत्र १ मा ३२४०९ मत खसेको थियो ।

त्यस्तै प्रदेश १ का आर्थिक मामिला तथा योजना मन्त्री इन्द्र बहादुर आङबो पनि निर्वाचित भएका छन् । पाँचथर प्रदेशसभा २ बाट आङ्बो १५६७२ मतसहित विजयी भएका हुन् । नेकपा एमालेका आइन्द्रसुन्दर नेम्वाङको १२६०५ मत प्राप्त गरे ।