महोत्तरी-३ मा लोसपा अध्यक्ष महन्थ ठाकुर निर्वाचित

काठमाडौँ । लोकतान्त्रिक समाजवादी पार्टी लोसपाका अध्यक्ष महन्थ ठाकुर महोत्तरी क्षेत्र नम्बर ३ बाट विजयी भएका छन् ।

ठाकुरले १६ हजार ३ सय ७५ मत ल्याएर निर्वाचित भएका हुन् ।

उनले जसपाका उम्मेदवार हरिनारायण यादवलाई हराए । हरिनारायणले १४ हजार ३ सय २५ मत ल्याए ।

त्यस्तै, स्वतन्त्र उम्मेदवार रामआधार कापरले १२ हजार ७ सय ३३ मत ल्याए भने नेपाल सङ्घीय समाजवादी पार्टीका इलियास अंसारीले ४ हजार नौ सय ४९ मत ल्याए । जनमत पार्टीका मृगेन्द्र यादवले ४ हजार २ सय ५२ मत ल्याएका छन् ।

निर्वाचित ठाकुर ८० वर्ष पुगेका छन् ।