मेस्सी र नेयमार बिना पीएसजी स्तब्ध

काठमाडौं । फ्रान्सेली लिग वानअन्तर्गत आइतबार राति भएको खेलमा पीएसजी लेन्ससँग ३–१ ले पराजित भएको छ ।

आइतबारको खेलको पाँचौं मिनेटमा नै लेन्सले अग्रता लियो । तर, आठौं मिनेटमा पीएसजीका ह्युगो एकिटिकेले खेललाई बराबरीमा ल्याए पनि खेलको २८ औं र ४७ औं मिनेटमा गोल गर्दै लेन्सले महत्वपूर्ण तीन अंक हात पारेको हो ।

जारी सिजनमा यो पीएसजीको पहिलो हार हो । हारका बाबजुद पीएसजी लिगको शीर्ष स्थानमा छ । उसले १७ खेलबाट ४४ अंक हात पारेको छ । समूहको दोस्रो स्थानमा रहेको लेन्सले समान खेलबाट ४० अंक हात पारेको छ ।

यसअघिको खेलमा रातो कार्ड पाएका कारण आइतबारको खेलमा नेयमार अनुपस्थित थिए भने लियोनेल मेस्सीले पनि यो खेल खेलेका थिएनन् ।