लोड गरिएको पेस्तोलसहित भारतीय नागरिक पक्राउ

काठमाडाैँ । सीमा सुरक्षा सशस्त्र प्रहरीले बाराको सीमावर्ती नाका गुलरियाबाट एक भारतीय नागरिकलाई एक थान पेस्तोल, म्गागजिन र ७ राउन्ड गोलीसहित आइतबार साँझ पक्राउ गरेको छ ।

पूर्वी चम्पारण मोतिहारी नगरपालिका वडा नं १६ का ४० वर्षीय चन्दन कुमारलाई पक्राउ गरिएको सशस्त्र प्रहरी नायब उपरीक्षक शैलेन्द्र थापाले बताए । उनको साथबाट पत्नी, उनी आफैं र दाइको भारतीय आधार कार्डसहित ११ हजार २ सय ७० भारतीय रूपैयाँसमेत बरामद गरिएको थापाको भनाई छ ।

अंग्रेजी नयाँ वर्षको चहलपहललाई लक्षित गर्दै आपराधिक गतिविधि गर्न नेपाल प्रवेश गरेको हुनसक्ने अनुमान गरिए पनि त्यसबारे विस्तृत अनुसन्धान गर्न नेपाल प्रहरीको इलाका प्रहरी कार्यालय सिम्रौनगढको जिम्मा लगाइएको छ ।