साइकल जुधेर लडेका २१ वर्षीय सोल्जालाई ट्याक्टरले किच्यो, उपचारका क्रममा मृत्यु 

सुनसरी । सुनसरीमा भएको सवारी दुर्घटनामा एकजनाको मृत्यु भएको छ । बराहक्षेत्र नगरपालिका-११ मधुवन स्थित सवारी दुर्घटना हुँदा १ जनाको मृत्यु भएको हो ।

दक्षिणबाट उत्तर तर्फ जाँदै  गरेको साइकल यात्री बराहक्षेत्र-१० का २१ वर्षीय सोल्जा ठाकुर र विपरीत दिशाबाट आउँदै गरेको साइकल यात्री भारत ग्रामपञ्चायत-९ का २३ वर्षीय अजिम साफी एक अर्कामा ठक्कर खाएर लड्दा ट्याक्टरको ट्रलिले लागेर एकजनाको मृत्यु भएको हो ।

को १ त ४३७८ नम्बरको ट्याक्टरको ट्रलिको चक्काले साइकलयात्री ठाकुरलाई  ठक्कर दिएको प्रहरीले जनाएको छ। घाइते भएका ठाकुरको उपचारको क्रममा विराट नर्सिङ अस्पताल विराटनगरमा मृत्यु भएको इलाका प्रहरी कार्यालय चतराले जनाएको छ ।

घटनामा संलग्न ट्याक्टर चालक ४५ वर्षीय भमेश्वर मेहता र ठक्कर दिने साइकलयात्री साफीलाई प्रहरीले नियन्त्रणमा लिएको छ ।