स्पेनिस ला लिगामा रियल म्याड्रिडकाे हार

काठमाडौँ । स्पेनिस ला लिगा अन्तर्गत रियल म्याड्रिड भिल्लारियलसँग पराजित भएको छ । शनिबार सम्पन्न खेलमा भिल्ला रियलले रियल म्याड्रिडलाई २-१ गोल अन्तरले पराजित गरेको हो ।

भिल्लारियलका लागि येरेमी पिनो र जेरार्ड मोरेनोले एक एक गोल गरेका थिए । त्यस्तै रियल म्याड्रिडका लागि करिम बेन्जमाले एक गोल गरेका थिए । यो हारले रियल म्याड्रिडलाई उपाधि दौडमा धक्का लाग्ने देखिएको छ । साथै अब बार्सिलोनालाई रियल म्याड्रिडमाथि ३ अंकको अग्रता बनाउने अवसर बनेको छ ।

यो खेलपछि रियल म्याड्रिडको १६ खेलमा ३८ अंक छ र लिगमा दोस्रो स्थानमा रहेको छ । त्यस्तै शीर्ष स्थानमा रहेको बार्सिलोनाको १५ खेलमा ३८ अंक नै रहेको छ । त्यस्तै भिल्लारियलको १६ खेलमा २७ अंक भएको छ र लिगमा पाँचौं स्थानमा उक्लिएको छ ।