रेन्नेजसँग हार्‍यो पिएसजी

काठमाडौँ । फ्रेन्च लिग वान अन्तर्गत रेन्नेजले पिएसजीमाथि जित हासिल गरेको छ । गएराती सम्पन्न खेलमा रेन्नेजले पिएसजीलाई १-० गोल अन्तरले पराजित गरेको हो ।

रेन्नेजको जितमा खेलको ६५औ मिनेटमा हमारी ट्राओरेले गरेको गोल नै खेलको निर्णायक गोल बनेको थियो । यो जितपछि रेन्नेजको १९ खेलमा ३७ अंक भएको छ र लिगमा पाँचौँ स्थानमा रहेको छ ।

त्यस्तै पिएसजीको भने यस सिजनमा यो दोस्रो हार हो । पिएसजीको १९ खेलमा ४७ अंक रहेको छ र लिगमा शीर्ष स्थानमा कायम रहेको छ । दोस्रो स्थानमा रहेको लेन्सभन्दा अब ३ अंकले मात्र अगाडी रहेको छ ।