टोटनह्याममाथि जित निकाल्दै आर्सनलले बनायो ८ अंकको अग्रता

काठमाडौँ । ईङलिश प्रिमियर लिग अन्तर्गत आर्सनलले टोटनह्यामलाई पराजित गरेको छ । गएराती सम्पन्न खेलमा आर्सनलले टोटनह्यामलाई २-० गोल अन्तरले पराजित गरेको हो ।

आर्सनलको जितमा साका बुकायोले हानेको बल टोटनह्यामका गोलकिपर हुगो लिओरिसलाई लागेर पोष्टमा छिरेको थियो । त्यस्तै दोस्रो गोल मार्टिन ओडेगार्डले गरेका थिए ।

यो जितपछि प्रिमियर लिगको शीर्ष स्थानमा रहेको आर्सनलको १८ खेलमा ४७ अंक भएको छ र । साथै दोस्रो स्थानमा रहेको म्यानचेस्टर सिटीभन्दा ८ अंकले अगाडी रहेको छ । टोटनह्यामको भने १९ खेलमा ३३ अंक रहेको छ र लिगमा पाँचौं स्थानमा रहेको छ ।