नेपालकै होचो हिमताल ‘कपुचे’मा कार्यपालिका बैठक

पोखरा । कास्कीको मादी गाउँपालिकाले नेपालकै होचो हिमताल कपुचेमा कार्यपालिका बैठक राखेको छ । दशौं कार्यपालिका बैठक २४२१ मिटर उचाइमा रहेको हिमतालमा बसेको हो ।

कपुचे पछिल्लो समय पर्यटकको नयाँ गन्तव्यका रूपमा विकसित भइरहेको छ । तालको प्रवर्द्धन र विकासका लागि कपुचेमा बैठक राखिएको पालिका अध्यक्ष देवीजंग गुरुङले बताए । कपुचे मादीको वडा नम्बर १ मा पर्छ ।