मन्त्रीहरुले संघीयताविरुद्ध बोल्न पाइँदैन : प्रधानमन्त्री प्रचण्ड

काठमाडौँ । प्रधानमन्त्री पुष्पकमल दाहाल प्रचण्डले मन्त्रीहरुले संघीयता र गणतन्त्रविरुद्ध अभिव्यक्ति दिन नहुने बताएका छन् । मंगलबार राष्ट्रिय सभाको बैठकमा बोल्दै प्रधानमन्त्री प्रचण्डले संघीयतविरुद्ध अभिव्यक्ति दिए मन्त्रीलाई स्पष्टीकरण सोध्ने बताएका हुन् ।

मन्त्रीहरुले संघीयता र गणतन्त्रविरुद्ध अभिव्यक्ति दिन थालेको भन्दै राष्ट्रिय सभामा प्रश्न उठेपछि त्यसको जवाफ दिँदै प्रचण्डले यस्तो बताएका हुन् ।

‘यसबारे मेरो गम्भीर ध्यानाकर्षण भएको छ,’ उनले भने, ‘यो स्पष्टीकरणको विषय हुन् । मन्त्रिमण्डलभन्दा बाहिर गएर आफ्नो कुरा राख्ने अधिकार सबै राजनीतिक दल र माननीय सदस्यलाई हुन्छ तर मन्त्रिमण्डलभित्र बसेर संघीयताविरुद्ध लोकतान्त्रिक गणतन्त्रका विरुद्ध बोल्ने वा प्रचार गर्ने अधिकार नैतिक रुपले पनि कानुनी रुपले पनि हुन सक्दैन ।’