गठबन्धनबाट बाहिरिने रविको संकेत, लेखे– ‘म चुप लाग्ने आजसम्म मात्रै हो’

काठमाडौँ । राष्ट्रिय स्वतन्त्र पार्टी (रास्वपा)का सभापति रवि लामिछानेले गृहमन्त्री नपाए अब सत्ता गठबन्धनबाट बाहिरिने संकेत गरेका छन् ।

सर्वोच्च अदालतको फैसलापछि पुनः नेपाली नागरिकता लिएका रविले आफूले नै गृहमन्त्री पाउनु पर्ने दबाब गठबन्धनमा दिँदै आएका थिए ।

सत्ता साझेदार नेकपा एमाले अध्यक्ष केपी शर्मा ओलीले आफूलाई गृहमन्त्रालय दिन प्रधानमन्त्रीलाई आग्रह गरेको भए पनि प्रधानमन्त्री पुष्पकमल दाहाल प्रचण्डले सर्वोच्च अदालतको आदेशको पूर्णपाठ नआएसम्म गृहबारे निर्णय गर्न मानेका छैनन् । यसै सन्दर्भमा उनले यस्तो बताएका हुन् ।

फेसबुकमा उनले लेखेका छन्– ‘अब मलाई भन्न बाँकी,गर्न बाँकी, लेख्न बाँकी केही भए भनीहाल्नुहोला, गरीहाल्नु होला, लेखिहाल्नु होला । मेरो मौनता आजसम्मका लागि मात्रै हो । म अभिमन्यु होइन ।’