लागुऔषध गाँजासहित ५ जना पक्राउ 

सुनसरी । सुनसरीमा लागु औषध सहित ५ जनालाई प्रहरीले पक्राउ गरेको छ । दुहबी नगरपालिका–३ स्थित कोसी राजमार्गमा लागुऔषध गाँजा सहित पाँच जनालाई प्रहरीले पक्राउ गरेको हो ।

विशेष सूचनाको आधारमा १ नम्बर प्रदेश प्रहरी कार्यालय विराटनगर र सिआरभी पोस्ट दुहबीबाट खटिएको प्रहरी टोलीले इटहरीबाट विराटनगर तर्फ आउँदै गरेको को.२ ह ३०४४ नम्बरको अटो टेम्पोलाई चेकजाँच गर्ने क्रममा अटोमा लुकाई छिपाई राखेको १७ किलोग्राम गाँजा बरामद गरेको प्रहरीले जनाएको छ ।

टेम्पोमा गाँजा बरामद भएसँगै अटो चालक इटहरी उपमहानगरपालिका–११ का ३७ बर्षीय अहमद हजरत अलि, उक्त टेम्पोमा सवार रहेका इटहरी–१३ का १९ वर्षीय आकाश पटेल र २७ वर्षीय आसिस पटेललाई पक्राउ गरेको प्रहरीले जनाएको छ ।

अनुसन्धानको क्रममा संलग्न रहेका इटहरी–१२ का २७ वर्षीय अरुणकुमार सरदार र देवानगंज गाउँपालिका–५ का २३ वर्षीय मिथिलेश यादवलाई पक्राउ गरिएको इलाका प्रहरी कार्यालय दुहबीले जनाएको छ ।