म्यानचेस्टर युनाइटेडको सहज जित

काठमाडौँ । ईङलिश प्रिमियर लिग अन्तर्गत म्यानचेस्टर युनाइटेडले लिड्स युनाइटेडलाई पराजित गरेको छ । आइतबार सम्पन्न खेलमा म्यानचेस्टर युनाइटेडले लिड्स युनाइटेडलाई २-० गोल अन्तरले पराजित गरेको हो ।

म्यानचेस्टर युनाइटेडको जितमा मार्कश राशफोर्ड र अलेजान्द्रो गार्नाचोले एक एक गोल गरेका थिए । राशफोर्डले खेलको ८०औं मिनेटमा र गार्नाचोले ८५औं मिनेटमा गोल गरेका थिए ।

यस जितसँगै तेस्रो स्थानमा रहेको युनाइटेडको २३ खेलबाट ४६ अंक पुगेको छ । युनाइटेडले एक खेल कम खेलेको म्यानचेस्टर सिटीसँग २ अंकले तथा दुई खेल कम खेलेको आर्सनलसँग ५ अंकले पछि छ । पराजित लिड्स २२ खेलबाट १९ अंक जोडेर १७औं स्थानमा छ ।